ALPHA MAAMA (A.M.)

Tusite ‘Akosi 8, 2017

“Ko hoku ‘Eiki mo hoku ‘Otua”

Fehuʻi #2

Ko e hā ‘a e ‘Otua?

(What is God)

Ko e ‘Otuaʹ ko e tokotaha fakatupu mo e tokotaha ‘oku ne fakamaʻumaʻuluta ‘a e tokotaha kotoa pe pea mo e meʻa kotoa pe. ‘Oku lau ‘itāniti, taʻengata pea taʻeliliu ‘a hono iviʹ mo ‘ene haohaoaʹ, leleiʹ mo hono langilangiʹ, potoʹ, fakamaauʹ mo ‘ene moʻoniʹ. ‘Oku ‘ikai ha meʻa ‘e hoko mai ‘oku ‘ataʻatā meiate ia pea mo hono finangaloʹ.

(God is the creator and sustainer of everyone and everything. He is eternal, infinite, and unchangeable in his power and perfection, goodness and glory, wisdom, justice, and truth. Nothing happens except through him and by his will)

‘Oku tau fakafetaʻi lahi ki he ‘Otuaʹ ‘i heʻene kei taulama mo tuku faingamalie moʻo kitautolu ke tau fononga mo ako kiate Ia ‘i heʻene Folofolaʹ. Ko ha tahaʻi kaveinga mahuʻinga moʻoni eni. ‘Oku tau ‘i ha kuonga ‘oku fokoleta ai e ngaahi ‘ilo kehekeheʹ, ka ko e ‘ilo ki he ‘Otuaʹ ‘oku ‘ikai ke fuʻu manakoa fau. Pea ka ‘i ai ha ‘otua ia, ko e ‘otua fakaetangata pe ia ‘o fakatatau ki he filioʻi ‘o e loto kākā mo pikopiko ‘o e tangataʹ.

Komeniteli - D. A. Kāsoni

Commentary - D. A. Carson

Ko ha meʻa lelei lahi mo fakatalutalu ko haʻa te talanoa fekauʻaki mo e ‘Otuaʹ mo te fakakaukau ki ai. ‘Oku ‘ikai mo ha toe kaveinga fungani hake. Ka ko e foʻi lea ‘Otuaʹ ko ha misiteli tau mamaʻo fau. Ka neongo ‘e ngaueʻaki ‘e ha taha ‘a e foʻi lea “Otuaʹ” pea lea mai mo ha taha kehe kau ki he “Otua”ʹ, ‘oku ‘ikai ke totonu ke tau pehē ‘oku na ‘uhinga tatau. Ko e ‘Otuaʹ ki he niʻihi, ko ha foʻi ongo taʻemahakulea. Pē ko e ivi taʻeueʻia mei he kamataʻanga ‘o e ‘univeesiʹ, pē ko ha tokotaha fonu ‘i he naunau faka-tuʻanatula.

It is spectacularly wonderful to talk about God, to think about him. There cannot be any higher subject. But the word God itself is not an empty cipher. Just because somebody uses the word God and then somebody else uses the word God, it does not follow that they mean the same thing. God, for some, is an inexpressible feeling, or it’s the unmoved cause at the beginning of the universe, or it’s a being full of transcendence.