Falaite 8 Sanuali 2021

God remembered Noah...

Pea manatu ‘a e ‘Otua kia Noa 

Senesi 8 (Genesis 8)

(v.1) Then God remembered Noah, and every living thing, and all the animals that were with him in the ark. And God made a wind to pass over the earth, and the waters subsided.

(v. 1) PEA manatu ‘a e ‘Otua kia Noa, pea ki he ngaahi manu kaivao mo e ngaahi manu lalata na‘e ‘iate ia ‘i he ‘a‘ake: pea na‘e fakaangi ‘e he ‘Otua ha matangi ki he funga fonua, pea taumatala ai ‘a e vai;

*Commentary: The Reformation Bible*

God remembered Noah. The Hb. expression indicates action based on

a previous commitment (9:15; 19:29; 30:22; Ex. 2:24; 6:5; Luke 1:72, 73), not merely mental recall.

Pea manatu ‘a e ‘Otua kia Noa. ‘I he tuʻu faka-Hepelū ‘a e lea´ ni, ‘oku tefito ‘a e manatu´ ‘i he tukupā naʻe fai kimuʻa (9:15; 19:29; 30:22; Eki 2:24; Luke 1:72, 73), ‘o ‘ikai ko ha foʻi fakamanatu ‘i he ‘atamai´.

* study on the Attributes of God / ako ki he natula (ngaahi ‘ulungaanga) ‘o e ‘Otua *

GOD IS . . . (KO E ‘OTUA, ‘OKU . . )

Knowing God

Charles Spurgeon, in a sermon on the immutability of God, says,

The most excellent study for expanding the soul, is the science of Christ, and him crucified, and the knowledge of the Godhead in the glorious Trinity. Nothing will so enlarge the intellect, nothing so magnify the whole soul of man, as a devout, earnest, continued investigation of the great subject of the Deity.

‘I he taha ‘o e ngaahi malanga ‘a Salesi Sipeisone ‘i he tuʻunga taʻeliliu ‘o e ‘Otua´, naʻa ne pehee ai, Ko e ako lelei taha ki hono fao hotau laumālie´, ko e saenisi ‘o Kalaisi´ pea mo hono kalusefai´, pea mo e ‘ilo ki he ‘Otua´ ‘i he langilangi ‘o e Tolu-tahaʻi-ʻOtua´. ‘Oku ‘ikai mo ha toe meʻa te ne fakalahi ke maama ange hotau ‘atamai´, pea ‘oku ‘ikai mo ha toe meʻa te ne hiki ‘a e laumālie ‘o e tangata´, ‘o laka hake ‘i heʻete fakatotolo mo ako fakamātoato, mateaki moʻui ki he kaveinga fisifisimuʻa ‘o e ‘Otua´.

Tuʻapulelulu 7 Sanuali 2021 

Noah ... entered the ark

Hū ‘a Noa ki he ‘Aʻake 

Senesi 7 (Genesis 7)

(v.13) On the very same day Noah and Noah’s sons, Shem, Ham, and Japheth, and Noah’s wife and the three wives of his sons with them, entered the ark

(v. 13) Ko e ‘aho pē ko ia kuo hū ‘a Noa ki he ‘a‘ake, pea mo Semi mo Hami, pea mo Sēfeti, ko e ngaahi foha ‘o Noa, pea mo e uaifi ‘o Noa, mo e ngaahi uaifi ‘e toko tolu ‘o hono ngaahi foha;

*Commentary: Matthew Poole*

On the same day. on which the flood began by that terrible shower. Heb. In the body, or essence, or strength of the day, as Gen. 17:26; Lev. 23:14; Josh. 10:27. Not in the dark or twilight, like one ashamed of his action, or afraid of the people, but when it was clear day, or about noon-tide, in the public view of the world.

‘aho pē ko ia. ‘I he ‘aho pe ko ia naʻe kamata ai ‘a e lōmaki´, ‘i he fuʻu ‘uha lōvai ne tōo´. Faka-Hepeluu´, ‘i he sino, uho pe mālohi ‘o e ‘aho´ (Sen 17:26; Levi 23:14; Sios 10:27). Naʻe ‘ikai hoko ‘i he fakapoʻuli´ pe ‘i he malu efiafi´, ‘o hangē ha taha ‘oku ne fai fakapulipuli ha ngaue ‘oku ne māaʻi, pe manavahē ki he kakai´, ka ‘i he tafi Tonga ‘o e ‘aho´, hoʻatā malie´, naʻe fakahoko ‘i he mamata ‘a e kakai ‘o mamani´.

* study on the Attributes of God / ako ki he natula (ngaahi ‘ulungaanga) ‘o e ‘Otua *

GOD IS . . . (KO E ‘OTUA, ‘OKU . . )

Knowing God

Our knowledge of God can never be limited to that which is merely grasped cognitively or academically. This study aims to help you love God with your mind but also with a great deal of strength, so that you can say with purity of heart (Matt. 5:8; 1 Tim. 1:5), "I know God." Eternal life is to know God (John 17:3).

Ko ‘etau ‘ilo ki he ‘Otua´ ‘e ‘ikai ke fakangatangata pe ki heʻetau mahino fakaʻatamai´ pe fakaʻakatēmika´ (faka-ako). Ko e ako ko eni´, ‘oku fakataumuʻa ke tokoniʻi koe ke ke ‘ofa ki he ‘Otua´ ‘aki ho ‘atamai´ pea pehē foki mo ho ivi´ kotoa, koeʻuhi´ ke ke lava ‘o lea mei he loto maʻa (Mat 5:8; 1 Tim 1:5), “ ‘Oku ou ‘ilo ‘a e ‘Otua´.” Ko e moʻui taʻengata´, ko e fai ke ‘ilo ‘a e ‘Otua´ (Sione 17:3).

Pulelulu 6 Sanuali 2021

the LORD was sorry...

Pea na‘e fakatomala ‘a Sihova 

Senesi 6 (Genesis 6)

(v. 6) And the Lord was sorry that He had made man on the earth, and He was grieved in His heart.

(v. 6) Pea na‘e fakatomala ‘a Sihova ‘i he‘ene ngaohi ‘a e tangata ‘i māmani, ‘o ne fakamamahi ‘i hono finangalo

*Commentary: The Reformation Bible*

sorry/regretted. Here is a reference to a change of attitude and action. There is no contradiction between this verse and passages teaching the changelessness (immutability) of God (Mal. 3:6, James 1:17) and that God does not change His mind (Num. 23:19; 1Sam. 15:29; Ps. 33:11; Is. 46:10). Remembering that this description is anthropopathic (God is depicted in terms of the human experience of knowledge and emotion), we must also recognize that the immutable and sovereign God deals appropriately with changes in human behavior. When people sin or repent of sin, He “changes His mind” with regard to the blessing or punishment appropriate to the situation (Ex. 32:12, 14; 1 Sam. 15:11; 2 Sam. 24:16; Jer. 18:11; Amos 7:3, 6) - all in accordance with His sovereign and eternal purposes. He works out all things according to the counsel of His will (Eph. 1:11). having ordained every change in human behavior as well as His response to it; thus, He never changes like we do on the basis of new information or unforeseen consequences. Because God is changeless in His being and eternally loyal to His covenant promises and unchanging decree, we can have firm confidence in Him who is “the same yesterday and today and forever” (Heb 13:8).

fakatomala. Ko e fakamatala eni ki he liliu ‘o e fakakaukau pe ngaue. ‘Oku ‘ikai ke fepakipaki ‘a e veesi ko ‘eni´ pea mo e ngaahi potu tohi kehekehe ‘oku fakamatala ai ki he tuʻunga taʻeliliu ‘o e ‘Otua´ (Mal 3:6; Semisi 1:17) pea mo e mahino ‘oku ‘ikai liliu ‘a e fakakaukau ‘a e ‘Otua´ (Nomipa 23:19; 1 Sam 15:29; Saame 33:11; ‘Ais 46:10). Manatu, ko e fakamatala ko ‘eni´, ko e founga “‘anitolopopatika” (anthropopathic) – [ko hono fakamatalaʻi ‘a e ‘Otua´ ‘i he tuʻunga ‘oku ne aʻusia ‘a e ‘ilo mo e ongo fakaetangata]. Kuopau ke tau mahinoʻi, ko e ‘Otua ‘oku ‘ikai liliu mo aoniu´, ‘oku ne tokangaekina ‘a e ngaahi feliuliuaki ‘a e ‘ulungaanga ‘o e tangata´. ‘I he taimi ‘oku fai angahala ai pe fakatomala ai ‘a e tangata´, ‘oku “liliu ‘ene fakakaukau´” fekauʻaki mo e tautea pe tapuaki ‘o fakatatau ki he tuʻunga ko ia´(‘Ekisoto 32:12,14; 1 Sam 15:11; 2 Sam 24:16; Sel 18:11; ‘Emosi 7:3, 6) – ‘o fakahoko kotoa ‘a e ngaahi meʻa´ ni ke hoa mo e ngaahi tuʻutuʻni mo e taumuʻa ‘a ‘ene pule aoniu mo taʻengata´. ‘Oku ne ngāue‘i ‘a e ngaahi me‘a kotoa pē ‘i he ‘alunga ‘o e fakakaukau ‘o hono finangalo´ (‘Efeso 1:11), pea ne toka tuʻutuʻuni ‘a e liliu kotoa pe ‘i he toʻonga ‘a e tangata´ mo ‘ene mo ‘ene tali ‘e fai ki he liliu ko ia´. Pea ko ia, ‘oku ‘ikai ‘aupito ke liliu ‘a e ‘Otua´ ia ‘i ha taimi ‘o hangē ko kitautolu´, koeʻuhi´ ko ha ‘ilo foʻou pe ko ha hoko mai ‘o ha meʻa naʻe taʻeʻamanekina. Koeʻuhi´ ‘oku ‘ikai ke liliu ‘a e ‘Otua´ ‘i hono tuʻunga ‘oʻona´ mo lauʻitāniti ‘ene tukupā ki he palōmesi ‘o ‘ene kovinānite´ pea ‘ikai liliu ‘a hono finangalo´, ‘oku malava ke tau puke maʻu mo e loto pauʻia kiate Ia “‘oku tatau ai pē he ‘aneafi, mo e ‘aho ni, ‘io, ‘o ta‘engata.” (Hep 13:8).

* study on the Attributes of God / ako ki he natula (ngaahi ‘ulungaanga) ‘o e ‘Otua *

GOD IS . . . (KO E ‘OTUA, ‘OKU . . )

Knowing God

The doctrine of God has fallen on hard times. Many are far more concerned about personal salvation than they are about God. Books on marriage abound, but books on the doctrine of God are few and far between. This is regrettable since nothing can ever really make sense to us in this life unless we have a good grasp of who God is.

To know God, we must love the Lord our God with all our heart, soul, strength, and mind (Luke 10:27).

Kuo hangē kuo tuenoa´ ‘a e tokāteline ‘o e ‘Otua´. ‘Oku tokolahi ange ‘a e takitaha tokanga ki he ngaahi tokoni fakaekita´, ‘i he tokangaekina ‘a e ‘Otua´. ‘Oku fokoleta ‘a e ngaahi tohi fekauʻaki mo e nofo mali´, kae siʻisiʻi fau ha ngaahi tohi fekauʻaki mo e tokāteline ‘o e ‘Otua´. ‘Oku fakaloloma eni koeʻuhi´, ‘e ‘ikai pe ke ‘uhinga lelei ha meʻa ia kiate kitautolu ‘i he maama ko eni´, kapau ‘e ‘ikai ke tau maʻu ‘a e mahino feʻunga kau ki he ‘Otua´.

Ko ‘etau ‘ilo ki he ‘Otua´, kuopau ke tau ‘ofa ki hotau ‘Otua´, ‘o fai‘aki ‘a e kotoa hotau loto´, mo e kotoa ‘o hotau laumālie´, ivi´, mo hotau ‘atamai´ (Luke 10:27).

 Tusite 5 Sanuali 2021

Enoch walked with God...

pea takaua ‘a ‘Īnoke mo e ‘Otua 

Senesi 5 (Genesis 5)

(v. 22) After he begot Methuselah, Enoch walked with God three hundred years, and had sons and daughters.

(v. 22) pea takaua ‘a ‘Īnoke mo e ‘Otua hili ‘ene ma‘u ‘a Mētuisela ‘i he ta‘u ‘e uangeau, pea ne ma‘u mo ha ngaahi foha mo ha ngaahi ‘ōfefine:

*Commentary: The Reformation Bible*

walked with God. The expression, repeated twice (here and v. 24), signifies intimate fellowship (3:8; 6:9). After the flood, the prospect of a similar relationship is promised through the presence of God in the tabernacle (Lev. 26:12).

takaua mo e ‘Otua. Ko fakalea ko eni´, ‘oku hā tuʻo ua (‘i heni mo e veesi 24), ‘oku be fakaʻilongaʻi ‘a e feohi mātuʻaki vāohi (3:8; 6:9). ‘I he hili ‘a e lōmaki´, ko e toe liu mai ‘o ha feohi vāofi pehe ni, ‘oku ‘omi ia ‘i he palōmesi ‘o hono hāʻelea ‘e Sihova ‘a e lotolotonga ‘o hono kakai´ ‘i he Tapanekale´ (Levitiko 26:12).

* study on the Attributes of God/ ako ki he ngaahi natula ‘o e ‘Otua *

GOD IS . . . (KO E ‘OTUA, ‘OKU . . )

Knowing God

All true theology depends on God. He is the principle on which our theology is constructed. As a personal, gracious God, he freely revealed himself to us. All other topics of theology (e.g., man, salvation, Christ) are held together by the doctrine of God. Hence, theology always remains to some degree the study of God.

Ko e teolosia (ako ki he ‘Otua´) moʻoni kotoa pe ‘oku tefito kotoa ‘i he ‘Otua´. Ko e foʻi tefitoʻi moʻoni ia ‘oku langa ai ‘etau teolosia´. ‘I hono tuʻunga ko e ‘Otua ‘oku felāveʻi mo e tangata´ (pesinolo), mohu kelesi, kuo ne fili ke ne fakahā Ia kiate kitautolu. Ko e kotoa ‘o e ngaahi topiki (kaveinga) ‘o e teolosia´ (hangē ko e tangata, fakamoʻui, Kalaisi) ‘oku fakamaʻumaʻuluta ktoa ‘i he tokāteline ‘o e ‘Otua´. Ko ia ai, ko teolosia´, ‘e tuʻumaʻu pe ia ‘i hono tuʻunga´, ko e ako ki he ‘Otua´.

 Monite 4 Sanuali 2021

Seth...for God has appointed another seed

Seti . . kuo tu‘utu‘uni ma‘aku ‘e he ‘Otua ha hako ‘e taha

Senesi 4 (Genesis 4)

(v. 25) And Adam knew his wife again, and she bore a son and named him Seth, “For God has appointed another seed for me instead of Abel, whom Cain killed.

(v. 25) Pea toe fe‘iloaki ‘a ‘Ātama mo hono uaifi; pea ne fā‘ele‘i ha tama, ‘o ne fakahingoa ia ko Seti [ko Tu‘utu‘uni]; he‘ene pehē, Kuo tu‘utu‘uni ma‘aku ‘e he ‘Otua ha hako ‘e taha ke fetongi ‘a ‘Ēpeli, ‘a ia ne tāmate‘i ‘e Keini.

*Commentary: The Reformation Bible*

Seth. His name, derived from the Hebrew verb translated "appointed," expresses Eve's faith that God will continue the covenant family in spite of death (3:15).

Seti. Ko hono hingoa´, ko e maʻu mei he veape faka-Hepelū ‘oku ‘uhinga, “ ko tuʻutuʻuni”, ‘a ia ‘oku ne fakahaaʻi ‘a e tui ‘a ‘Ivi ‘e hokohoko atu hono tauhi ‘e he ‘Otua´ ‘a e kovinānite ‘o e famili´ neongo ‘a e mate´ (3:15).

* study on the Attributes of God/ ako ki he natula (ngaahi 'ulungaanga) ‘o e ‘Otua *

GOD IS . . . (KO E ‘OTUA, ‘OKU . . )

Knowing God

For us today, these “manifestations" are summed up in God's Word, which dictates what we must say about him. We must affirm only what God has said about himself, which includes deducing truths about God by good and necessary consequence. In this life, we may not understand all that the Bible tells us about God, but we must aim to believe and communicate as much as we can about him. We must press on to know the Lord (Hos. 6:3), a difficult but rewarding task (Heb. 11:6). Worship without knowledge is idolatry.

‘I heʻene felāveʻi mo hotau kuonga´, ko e ngaahi “fakahāhā meʻa” ko eni´ ‘oku fakamāʻopoʻopo kotoa ‘i he Folofola ‘a e ‘Otua´, ‘a ia ‘oku fai tuʻutuʻuni ki he meʻa kuopau te tau fakahoko (leaʻaki) fekauʻaki mo ‘ene ‘Afio´. Kuopau ke tau fakamoʻoniʻi ‘a e ngaahi meʻa pē kuo tala ‘e he ‘Otua´ fekauʻaki mo Iaa´, ‘o kau ai ‘etau tohoaki mai ‘a e ngaahi moʻoni fekauʻaki mo e ‘Otua´, ‘o ngaueʻaki ‘a e ngaahi founga lelei mo totonu. ‘I he moʻui ko eni´, ‘e ‘ikai te tau mahinoʻi kotoa ‘a e ngaahi meʻa ‘oku tala ‘e he Tohitapu´ fekauʻaki mo e ‘Otua´, ka kuopau ke tau feinga ke tui mo malangaʻi ‘a e lahi taha ‘oku tau ala lava´ fekauʻaki mo ‘ene ‘Afio´. Kuopau ke tau tulikaki ke ‘ilo ‘a Sihova (Hosea 6:3), ko ha ngafa faingataʻa fau, ka ko ha ngaue fakakoloa moʻoni (Hepelu 11:6). Ko e lotu ‘oku ‘ikai ō fakataha mo e ‘ilo´, ko e lotu ‘aitoli ia.

 Sapate 3 Sanuali 2021 

her Seed...shall bruise your head

hono hako; ‘e laiki ‘e ia ho ‘ulu 

Senesi 3 (Genesis 3)

(v. 15) And I will put enmity between you and the woman, And between your seed and her Seed; He shall bruise your head, And you shall bruise His heel.

(v. 15) te u ‘ai ke mo fetāufehi‘a‘aki, ‘a koe mo e fefine, pea ko ho hako mo hono hako; ‘e laiki ‘e ia ho ‘ulu, pea te ke laiki ‘e koe ‘a hono muiva‘e.

*Commentary: The Reformation Bible*

I will put enmity. God graciously converts the depraved woman's affections from Satan to Himself.

te u ‘ai ke mo fetāufehi‘a‘aki. ‘I he anga fakatotoka ‘a e ‘Otua´, naʻa ne liliu ‘a e fehālaaki ‘a e ‘ofa ‘a e fefine´ kia Setane´, ‘o liliu ke ‘ofa ange kiate Ia.

your offspring and her offspring. Humanity is now divided into two communities; the redeemed, who love God, and the reprobate, who love self (John 8:33,44;1John 3:8). The division finds immediate expression in the hostility of Cain against Abel (ch. 4). This prophecy finds ultimate fulfillment in the triumph of the second Adam, and the community united with Him, over the forces of sin, death, and the devil (Dan.7:13, 14; Rom. 5:12-19, 16:20; 1 Cor. 15:45-49;Heb. 2:14, 15). The rest of Genesis traces the woman's offspring, beginning with Eve's son Seth, and ending with the sons of Jacob. Ultimately, this line of descendants leads to Jesus Christ (Luke 323-38).

ho hako mo hono hako. Kuo mavae ua ‘a e faʻahinga ‘o e tangata´, ki ha kakai (komiunitī) ‘e ua; kakai huhuʻi, ‘oku nau ‘ofa ki he ‘Otua´, mo e kakai hinga, ‘oku nau ‘ofa pe ‘i honau kita´ (Sione 8:33, 44; 1 Sione 3:8). Ko e mavae ua ko eni´, naʻe hā pe ia ‘i he fehiʻa ‘a Keini kia ‘Epeli´ (vahe 4). Ka ko e palofisai ko eni´ naʻe toki fakahoko ia ‘i he ‘Atama hono ua´, pea fakatahataha ‘a e komiunitī ko eni´ kiate Ia, ‘o nau ikunaʻi ‘a e kongakau ‘o e angahala´, mate mo e tevolo´ (Tani 7:13, 14; Lom 5:12-19, 16:20; 1 Cor. 15:45-49; Heb. 2:14, 15). ‘I he toenga ‘o e tohi Senesi´, ‘oku muimuiʻi ai ‘a e hako ‘o e fefine´, ‘o kamata ‘ia Seti ‘o ngata ‘i he ngaahi foha ‘o Sekope´. Ko e tumutumu ‘o e hako ko eni´, ‘a ‘ene aʻu kia Sisu Kalaisi´ (Luke 323-38).

bruise ... bruise. Before His glorious victory, the woman's seed must suffer to win the new community from the serpent's dominion (Is. 53:12; Luke 24:26, 46, 2 Cor. 1:5-7, Col. 1:24; 1 Pet. 1:11).

laiki . . .laiki. Ka kimuʻa pea hoko ‘a ‘ene ikuna fakatalutalu´, naʻe pau ke fakamamahiʻi ‘a e hako ‘o e fefine´ ke ne ikunaʻi ‘a e komiunitī foʻou´ mei he puleʻanga ‘o e ngata´ (‘Ais 53:12; Luke 24:26, 46, 2 Kol. 1:5-7, Kol. 1:24; 1 Pet. 1:11).

head... heel. The suffering Christ is victorious. He has already won the victory at the cross by providing atonement for the saints (Col. 2:13-15) and will consummate it at His second coming (2 Thess. 1:5-10).

‘ulu...muivaʻe. Ko e Kalaisi falenga mamahi´ kuo ikuna! Kuo ne ‘osi maʻu ‘a e ikuna´ ‘i he kolosi´ ‘o ne tokonaki ai ‘a e huhuʻi ‘o e kau tui´ / lotu moʻoni´ (Kolose 2:13-15) pea te ne silaʻi ‘a ‘ene ikuna´ ‘i heʻene haʻele ‘angaua´ (2 Tesal 1:5-10).

Due to the announcement of the defeat of the serpent by the seed of the woman, Jesus the Messiah, theologians have long referred to Gen. 3:15 as the protoevangelion, or "the first gospel." This verse is the first promise of redemption in Scripture.

Koeʻuhi´ ko hono talaki ‘o e ulungia ‘a e ngata´ ki he hako ‘o e fefine´, Sisu ko e Misaia´, ‘oku lau ‘e he kau faiako teolosia´ ‘a Senesi 3:15 ko e polotoʻevangelione, ko e “fuofua koosipeli.” Ko e veesi ko eni´, ko e fuofua palomesi ia ‘o e huhuʻi´ ‘i he Tohitapu´.

* study on the Attributes of God/ ako ki he natula (ngaahi 'ulungaanga) ‘o e ‘Otua *

GOD IS . . . (KO E ‘OTUA, ‘OKU . . )

Knowing God

As James Henley Thornwell says,

God is at once known and unknown. In His transcendent Being, as absolute and infinite, though a necessary object of faith, He cannot be an object of thought. We cannot represent Him to the understanding, nor think Him as He is in Himself. But in and through the finite He has given manifestations of His incomprehensible reality, which, though not sufficient to satisfy the demands of speculation, are amply adequate for all the ends of religion.

Naʻe pehē ‘e Semisi Henelī Toniuela (faifekau mo e faiako teolosia he senituli 19)

Ko e ‘Otua´ ‘oku ‘iloa mo teʻeki-ke-‘iloa he foʻi taimi tatau pe. Ko e Tokotaha taumaopeope atu, ‘ikai hano ngataʻanga pea tuʻuloa, pea neongo ko e taumuʻa ia ‘o ‘etau tui´, ka ‘oku taʻe malava ke ukufi ‘e heʻetau fakakaukau´. ‘Oku ‘ikai malava ke tau fakasino ia ki heʻetau ʻilo´, pe ke tau fakakaukau kiate Ia ‘i hono tuʻunga pe ‘oʻona´. Ka ‘oku fakafou mai ‘i he ngaahi tuʻunga fakangatangata ‘o e maama ko eni´, ‘a ‘Ene fakahāhā mai kiate kitautolu hono tuʻunga taʻefaʻalaua´, pea neongo ‘oku ‘ikai feʻunga ke fakafiemālieʻi ‘etau ngaahi fifili´, ka ‘oku feʻunga ‘ānoa mo e taumuʻa kotoa ‘o e lotu´.

 

Veesi Lauloto: Hosea 6:3

Pea ke tau ‘ilo; ke tau tuli ki he ‘ilo ‘o Sihova; ko ‘ene hopo hake kuo tu‘utu‘uni hangē ko e hengihengi: pea te ne ha‘u kiate kitautolu hangē ko e ‘uha, hangē ko e ‘uha mui, ko vaimui ‘ene mape‘epe‘e ki he fonua. (Molitoni)

Let us know; let us press on to know the Lord; his going out is sure as the dawn; he will come to us as the showers, as the spring rains that water the earth.”

Pea te tau toki ʻilo ʻoka tau ka muimui atu ke ʻilo ʻa Sihova: ko ʻene ʻalu atu ʻoku teuteu ʻo hangē ko e pongipongi; pea te ne hoko kiate kitautolu ʻo hangē ko e ʻuha, ko e ʻuha mui mo e ʻuha muʻa ki he kelekele. (Uesi)

Tokonaki 2 Sanuali 2021

the breath of life . . .

mānava mo‘ui . . .

Senesi 2 (Genesis 2)

(v. 7) And the Lord God formed man of the dust of the ground, and breathed into his nostrils the breath of life; and man became a living being.

(v. 7) Pea na‘e ngaohi ‘e Sihova ‘Elohimi ‘a e tangata mei he efu ‘o e kelekele, ‘o ne hō ki hono ava‘i ihu ‘a e mānava mo‘ui; pea na‘e hoko ‘a e tangata ko e kakano mo‘ui.

*Commentary: The Reformation Bible*

man of the dust of the ground – the wordplay in Hebrew, “man” (Hb adam) and “ground” (Hb adamah) shows man’s close connection with the ground (2:5, 15, 3:19) and underlies Paul’s teaching that the first Adam was fashioned in a natural body for an earthly existance. The heavenly Son of Man (Dan 7:13) shared in this earthly state in order to secure for fallen people a spiritual body of imperishable glory in the resurrection of the redeemed (1 Cor 15:42-49).

breathed. This figure represents the Spirits creative activity (Ps 104:30; Ezek 37:1-10, 14).

tangata mei he efu ‘o e kelekele. – ko e filioʻi lea ‘i he lea faka-Hepelū, he ‘oku fuʻu vāofi ‘aupito ‘a e ongo ‘o e ongo foʻi lea´, (tangata mo e kelekele´) ‘i he hiki faka-Hepeluu´ pea fakahā mahino ai ‘a e fetuʻutaki ‘a e tangata´ mo e kelekele´. ‘Oku ‘omi ‘e Paula ‘a e fakakaukau ko eni´ ‘i heʻne pehē, ko e ‘Atama ‘uluaki´naʻe ngaohi ‘i ha sino fakanatula ke tuha mo e moʻui ‘i mamani´. Ka naʻe hoko mai mei langi ‘a e Fanautama ‘a Tangata´ (Taniela 7:13) ke ne ‘inasi ‘i he tuʻunga ‘o e sino fakanatula´ ke ne ikuna ai maʻae faʻahinga ‘o e tangata naʻe tō ‘i he angahala´, ha sino taʻefaʻaʻauha langilangiʻia ‘i he toetuʻu ‘a e kau huhuʻi´ (1 Kolinito 15:42-49). 

 mānava mo‘ui. ‘Oku hā heni ‘a e ngaue ‘a e Laumālie´ ‘i he fakatupu´ (Saame 104:30; ‘Isikeli 37:1-10, 14)

* study on the Attributes of God/ ako ki he ngaahi natula ‘o e ‘Otua *

GOD IS . . . (KO E ‘OTUA, ‘OKU . . )

Knowing God

What can we say about God? What must we say about God? These two questions are related but not identical. Even the Scriptures, the very words of God about himself, do not exhaust what can be said about him. Indeed, as finite (limited) creatures, we shall never be able to say everything about our infinite (unlimited) God even in our perfect eternal state in heaven. We study God not as he is in himself but as he is revealed in his Word.

Ko e hā ha lea te tau ala fai ki he ‘Otua´? Ko e hā ha lea pe fakamatala kuopau ke tau fai fekauʻaki mo e ‘Otua´? Ko e ongo fehuʻi ko eni´ ‘oku na felāveʻi ka ‘oku ‘ikai te na tatau. Naʻa mo e Folofola´, ‘a e ngaahi lea ‘a e ‘Otua´ fekauʻaki Iaa´, ‘oku ‘ikai pe ke fakaʻauliliki ‘a e ngaahi fakamatala fekauʻaki mo ‘ene ‘afio´. Pea ‘i heʻene pehee´, ‘i hotau tuʻunga ko e meʻa fakatupu (‘oku fakangatangata) ‘e ‘ikai ‘aupito pe te tau malava ke fai ha fakamatala fekauʻaki mo hotau ‘Otua (taʻe fakangatangata) ‘o aʻu ki hotau tuʻunga haohaoa ‘i hevani´. ‘Oku tau fai ‘etau ako ki he ‘Otua´, ‘o ‘ikai ‘i hono tuʻunga ‘oʻona ‘iate Iaa´, ka ‘i he tuʻunga ‘oku fakaeʻa kiate kitautolu ‘i heʻene Folofola´.