ALPHA MAAMA (A.M.)

Sapate 3 Fepueli 2019

** LESONI ‘o e TAUKAPO** (From the “Taukapo” Devotional of the Mo‘ui Fo‘ou Fellowship)

1 Tuʻi 6:15-22

1 Tuʻi 6:22a “ʻIo ko e fale kotoa naʻá ne ʻufiʻufi koula, kaeʻoua ke ʻosiʻosingamalie ʻa e falé”.

Ko e temipale naʻe langa ʻe Solomoné naʻe tuʻu ia ʻi Moʻunga Molaia, pea ko e feituʻu ʻasi maʻolunga ʻi he ʻotu moʻunga ko iá, naʻe ui ia ko Moʻunga Saione, ko e tokelau ia ʻo e kolo motuʻa ʻo Tevitá. Pea ko e temipale naʻe langá, naʻe fakatatau pe ki he palani naʻe maʻu ʻe Tevita mei he ʻEikí, pea naʻá ne ʻoange ia kia Solomone (1 Kalo 28:11-13 ia). Pea ko hono vahevahé, naʻe fakatatau ki he vahevahe ʻo e tapanekalé, ki he Potu Tapu mo e Potu Toputapu.

Ko e Aake ʻo e kovinanite ʻa Sihová (Teut 10:8 ; Sios 3:11) naʻe fakahingoa peheé koeʻuhi he naʻe tuku ai ʻa e ongo lauʻimaka ʻo e kovinanité – ko e Fekau ʻe Hongofulú (Teut 10:1-5). Ko e Aaké, naʻe fakaʻilongaʻi ʻaki ʻa e lotolotonga ʻo e ʻOtua fakaleveleva ʻi he lotoloto ʻo hono kakaí. Ko e Potu Toputapú naʻe fua tatau ʻa e loloá, maokupú mo e maʻolungá. Naʻe taki fute ʻe tolungofulu, pea naʻe ʻufiʻufi ʻaki ia ʻa e koulá ʻo māʻopoʻopo. Ko e lahi ʻo e koula naʻe ngāueʻakí, ko e taleniti koula ʻe onongeau, pe ko e toni ia ʻe 21 (2 Kalo 3:8). Pea ko e falé kotoa naʻe ʻufiʻufi koula. Pea naʻe fakaʻilonga ʻe he koulá ʻa e koloaʻia naʻe hulu atu lolotonga ʻa e pule ʻa Solomoné (2 Kalo 1:15). Pea ʻi he Fuakava Motuʻá, ko e lahi taha ʻo e lave ki he koulá ko e tapanekale pe ko e temipale ʻo Solomoné mo hono palasi (2 Kalo 9:13-27). Neongo ko e koulá ʻoku mahuʻinga maʻolunga, pea ʻokú ke hokohoko pehē pe, ka ko e Tohitapú ʻoku ʻi ai ʻa e ngaahi meʻa pau ia ʻoku mahuʻinga lahi, ko e potó (Siope 28:17), ko e ʻofá (Palo 22:1), ko e Fakamaaú, lao mo e ngaahi fekau ʻa e ʻEikí (Sa 127).

SCRIPTURE FROM “TAUKAPO” (Mo‘ui Fo‘ou Fellowship Devotional)

1 Kings 6:15-22