ALPHA MAAMA (A.M.)

Tu‘apulelulu Ma‘asi 22, 2018

‘Ikai ko ha tokotaha lelei pe, ka ko ha Tokotaha Fo‘ou!

( not just a better person, but a NEW Person!)

Fehu‘i #37

‘Oku anga fē fē ‘a hono tokoni‘i kitautolu ‘e he Laumālie Ma‘oni‘oní ?

‘Oku lea o‘o ‘a e Laumālie Ma‘oni‘oní  fekau‘aki mo ‘etau ngaahi angahalá , fakafiemālie‘i kitautolu, tataki kitautolu, foaki mai ‘a e ngaahi me‘a‘ofa ‘a e Laumālié (tufakanga) pea ‘omi mo e loto ke tau fie talangofua ki he ‘Otuá; pea ‘oku Ne fakaivia kitautolu ke tau lotu mo mahino‘i ‘a e Folofola ‘a e ‘Otuá.

How does the Holy Spirit help us?

The Holy Spirit convicts us of our sin, comforts us, guides us, gives us spiritual gifts and the desire to obey God; and he enables us to pray and to understand God's Word.

‘EFESO 6:17-18

Pea mou ma‘u ‘a e tatā tau ko e fakamo‘ui, mo e heletā ‘a e Laumālie, ‘a ia ko e Folofola ‘a e ‘Otua: pea ‘i he faingamālie kotoa pē mou fai ho‘omou lotu ‘i he Laumālie ‘aki ‘a e fa‘ahinga hū kehekehe mo e kole, ‘o mou lama ke ma‘u ‘a e me‘a ko ia ‘i he fu‘u faka‘utumauku ‘o e hūfia ‘o e kāinga lotu kotoa pē; '

EPHESIANS 6:17-18

And take the helmet of salvation, and the sword of the Spirit, which is the word of God, praying at all times in the Spirit, with all prayer and supplication. To that end keep alert with all perseverance, making supplication for all the saints.

Commentary - LEO SCHUSTER (cont…)

Our spiritual life begins when the Holy Spirit regenerates us, giving us new life. When he turns our heart of stone into a heart of flesh, he makes the truth of God's Word real to us, and we freely embrace Christ as he's offered to us in the gospel. This reminds us that being a Christian isn't about being a better person but about being a new person, by God's grace alone, through faith alone.

Ko ‘etau mo‘ui fakalaumālié  ‘oku toki kamata ia ‘i he taimi ‘oku fakafo‘ou ai kitautolu (fanau‘i fo‘ou) ‘e he Laumālie Ma‘oni‘oni, ‘a ē ‘oku ne foaki mai ai kiate kitautolu ‘a e mo‘ui fo‘oú. Ko e taimi ia ‘oku ne liliu ai hotau loto maká  ko e loto kakano, ‘i he‘ene faka‘ā ‘a e mata hotau laumālié  ke tau ‘ilo ‘a e mo‘oni ‘o e Folofola ‘a e ‘Otuá, pea tau tali ‘a Kalaisi ‘o fakatatau ki he koosipelí. ‘Oku fakamanatu kiate kitautolu, ko ‘ete hoko ko e Kalisitiané, ‘oku ‘ikai ko ha‘ate hoko ko ha tokotaha lelei ange ‘i hoto ‘aneafí, ka ko ‘ete hoko ko ha tokotaha fo‘ou, ‘i he kelesi ‘ata‘atā pe ‘a e ‘Otuá , fou ‘i he tuí ‘ata‘atā pe!