ALPHA MAAMA (A.M.)

 Dry Hand, Hard Face

Nima mate - Fofonga Fakamaau

1 KINGS 13:6

AND THE KING SAID TO THE MAN OF GOD, "ENTREAT NOW THE FAVOR OF THE LORD YOUR GOD, AND PRAY FOR ME. THAT MY HAND MAY BE RESTORED TO ME." AND THE MAN OF GOD ENTREATED THE LORD, AND THE KING'S HAND WAS RESTORED TO HIM AND BECAME AS IT WAS BEFORE.

1 TU‘I 13:6

Pea tali ‘a e tu‘i, ‘o ne folofola ki he tangata ‘o ‘Elohimi, Fakamokomoko mu‘a ki he finangalo ‘o Sihova ko ho ‘Otua, pea hufekina au ke mo‘ui mai hoku nima. Pea fai ‘e he tangata ‘o ‘Elohimi ke fakamokomoko ‘a e finangalo ‘o Sihova; pea na‘e mo‘ui mai ‘a e nima ‘o e tu‘i ‘o hangē ko e ‘anenai.

Hange pe ko hono fakamātu‘u (‘iavesi) ‘e he ‘Otua ‘a e Tahi Kulokula mo e Vai Soatani (Siosiua 4:23), na’e pehee foki ‘a hono fakamātu‘u (‘iavesi) - (talatuki‘i ke mate) ‘a e nima ‘o Selopoame  ko hono tautea (1 Tu‘i 13:4). ‘I he vakai ‘e he tu’i kuo mate ‘a hono nimaa, na’a ne kole ki he palofita ke kole ki he ‘Otua ke “Fakamokomoko mu‘a [hono] finangalo”. Ko e fo’i vape ko e chalah ‘oku fa’a ngaue’aki ‘i he fakalea ko e, sailaa panimi (fakamoluu ho fofonga), ke fakamokomoko. ‘Io, hange ko e “fakamokomoko” ‘a e finangalo ‘o e ‘Otua ‘i he hili ‘o e lotu kafi koula ‘a e kakai (‘Ekisoto 32:11), kuo kole ‘e Selopoame lotu-’aitoli ki he palofita ke saila panini ma’ana. Pea na’e fakamo’ui ‘a e nima ‘o Selopoame - ka ‘oku tala ‘e he hisitolia, na’e kei mate pe hono loto ‘o’ona hangee ko e mate ‘a hono nimaa.

‘I he taimi ‘oku tau tangi ai ki he finangalo ‘o e ‘Otua, ‘oku tau sio ki he fofonga ‘o Ia na’e kalusefai, he ‘oku mokomoko pea fonu ‘i he meesi, pea moluu ‘i he kelesi, he ‘oku fofonga mai ‘a Kalaisi kiate kitautolu, ko ‘ene pele na’a ne huhu’i. ‘Iate Ia, ‘oku kakato ai ‘a e fakafiemalie ‘a e Tamai ‘o ta’engata - ‘o ‘ikai ngata pe ‘i hono fakamo’ui hotau nimaa, ka ‘oku ne fakalelei hotau vaa mo Iaa. 

Ko ‘eku kole ke ke ‘ofa mai na‘e fai‘aki hoku loto kotoa; Meesi kiate au, ‘o taau mo ho‘o tala‘ofa (Saame 119:58).